Përbërësit e kësaj recete:

• 100G biskota Petit Beurre,
• 50g gjalpë, 30g arra,
• krem pastiçerie 500g,
•  200 g çokollatë e bardhë,
• 50g çokollatë e zezë,
• 1 pandispanjë për torta,
• 200 ml pana e ëmbël e rrahur.
• Tavë me diametër 16 cm

Për shtresën e parë:

Biskotat thërrmohen imët dhe bashkohen me gjalpin e zbutur e arrat e thërrmuara. Brumin e përgatitur e lëmë 10 minuta në frigorifer. E marrim që aty dhe e hapim në një petë në tavën në të cilën kemi vendosur më parë letër furre. Çokollatën e bardhë e shkrijmë në banjëmari dhe pasi ftohet pak e përziejmë me kremin e pastiçerisë. E përziejmë ngadalë për të përftuar një masë homogjene. Kremin e përgatitur e lëmë për minimumi një orë.
Pasi kremi të jetë ftohur fillojmë të shtrojmë tortën. Mbi shtresën e biskotave vëmë një shtresë kremi, pastaj një shtresë pandispanjë dhe sërish një shtresë kremi. Në fund zbukurojmë tortën me panën e rrahur dhe me vijëza çokollate të errët të shkrirë.