• 2 vezë
• 1 gotë uji qumësht
• 1 filxhan çaji vaj
• 1 lugë gjelle kakao (mbushur plot)
• 3 banane
• 1 filxhan çaji arra të shtypura
• 1 filxhan çaji mjaltë
• Miell

Përgatitja

Hapi 1

Në një tas të thellë përziejmë vezët, qumështin, vajin dhe kakaon me tel përzierës.

Hapi 2

Shtojmë nga pak miell dhe vazhdojmë ta përziejmë derisa të trashet paksa.

Hapi 3

Vendosim në zjarr të mesëm një tigan të sheshtë tefloni. Nga harxhi i përgatitur hedhim mbi tigan shtresa të holla dhe pasi piqen i vendosim veçmas që të ftohen.

Hapi 4

Pasi krepat të jenë gati vazhdojmë me përgatitjen e rulove. I marrim krepat një nga një dhe në fillim i lyejmë me mjaltë. Pastaj i hedhim një shtresë të hollë me arra të thërmuara. Vendosim mbi krepën një banane të plotë (të zhveshur) dhe e mbështjellim në formë ruloje.

Hapi 5

Rulotë e formuara i prejmë me kujdes në trashësinë e dëshiruar dhe i vendosim në pjatën ku do serviren. Mund t’i hedhim sipër fistiqe të thërmuara.