Gatuajeni këtë role të jashtëzakonshëm e shumë të shijshëm. Shijojeni këtë shije fenomenale.

Përbërsit:
5 molla të tharta
4 vezë
120 gr sheqer
120 gr miell
5 gr pluhur pjekurinash
4 lugë gjelle ujë
lëng limoni
kanellë

Udhëzimet

Mollët lajini e qërojini, ndajini përgjysmë e më pas në flegra më të holla.

Mollët e prera vendosini në një enë dhe spërkatini me lëng limoni.

Tavën ku do ta piqni rolenë mbështilleni me letër kuzhine. Më pas renditini mollat. Pasi t’i keni renditur mollat, spërkatini me pak kanellë.

Në vend të kanellës mund të përdorni edhe sheqer vanilje.

Më pas nisni e bëni brumin.

Ndajini të kuqtë nga të bardhët e vezëve. Miellin e pluhurin për pjekurina bashkojini.

Të kuqtë miksojini bashkë me sheqerin derisa të fitoni një masë kremoze. Gradualisht shtojani edhe ujin me lugë.

Pastaj gradualisht shtojani edhe miellin.

Të bardhët e vezëve gjithashtu rrahini me mikser derisa të fitoni një shkumë të bardhë e të fortë. Pastaj me lugë, shtojini tek masa me të kuqtë e vesë.

Brumin e fituar zbrazeni mbi mollët e renditura në tavë.

Tavën vendoseni në furrën e parangrohur në 200 gradë dhe piqeni për 20 minuta.

Pas pjekjes, roleja lihet të ftohet e më pas transferohet në letër kuzhine dhe mbështillet.

Rolenë e ftohtë mund ta spërkatni me pak sheqer pluhur.

Ju bëftë mirë.