Një kek i thjeshtë, që secilën herë që gatuhet, na shijon shumë me pamjen dhe shijen fenomenale.

Përbërësit
5 gota miell
2 ¼ gota sheqer
500 ml ujë
300 ml vaj
4 lugë gjelle kakao
1 pluhur pjekurinash

Udhëzimet

Miellin bëjeni bashkë me sheqerin.

Shtoni pluhurin për pjekurina, vajin dhe ujin. Trazojini mirë të gjitha.

Pastaj, masën ndajeni në dy pjesë.

Në njërën pjesë shtoni kakaon.

Në tavën e lyer me pak yndyrë dhe të spërkatur me miell, zbrazeni me kujdes njëherë pjesën e zezë të brumit dhe sipër saj pjesën e bardhë.

Veproni kështu derisa të shpenzoni të gjithë brumin.

Kekun e përgatitur piqeni në furrën e parangrohur në 180 gradë për 30 minuta.