Kek me oriz, ëmbëlsira e shijshme e së martës

Persona: 6
Koha e përgatitjes: 15 minuta – Koha e gatimit: 50 minuta
INGREDIENTËT
500 ml qumësht
120 gr oriz me kokërr të rrumbullakët
70 gr sheqer
2 lugë sheqer me aromë vanilje
25 gr miell
25 gr niseshte
1 lugë maja birrë pluhur
2 vezë
1 lugë lëng limoni
2 lugë gjalpë
pak pluhur shafrani
pak kripë
pak gjalpë dhe miell për të lyer tavën
pak sheqer pluhur për dekorim
UDHËZIMET
1
Vendosim të ziejmë qumështin bashkë me kripën dhe orizin. Shtojmë gjysmën e sheqerit, sheqerin pluhur me aromë vaniljeje, gjalpin dhe shafranin.

2
Fikim sobën dhe e lëmë të ziejë të mbuluar me kapak në zjarr të fikur. Ndërkohë ngrohim furrën në 180° C.

3
Bashkojmë miellin me niseshten dhe majanë e birrës pluhur. Ndajmë të vërdhat e vezëve dhe i tundim bashkë me pjesën tjetër të sheqerit,me lëkurën dhe lëngun e limonit.

4
Rrahim të bardhat e vezëve mënjanë dhe i bashkojmë me kujdes të gjithë masën me ndihmën e rrahëses.

5
Lyejmë tavën me pak gjalpë dhe miell, vendosim të gjithë masën në tavë duke e sheshuar pak dhe e vendosim të piqet për 50 minuta në furrën e ngrohur më parë në 180° C.

6
Mbas pjekjes e lëmë të ftohet dhe e heqim nga tava. Para servirjes e dekorojmë me pak sheqer pluhur.