Kjo recetë ju tregon se si përgatitet katrorka me xhem kajsishë. Më poshtë keni listën e gjërave që ju nevojiten për të përgatitur një katrorkë me xhem kajsishë si dhe udhëzimet se si bëhet një gjë e tillë. Për çdo pyetje apo paqartësi, mund të komentoni dhe ne do të jemi të lumtur të ju japim përgjigje.

Përbërësit:

• 200 gr gjalpë i zbutur,
• 4 vezë,
• 250 gr sheqer,
• 100 gr arra të bluara,
• 50 gr arra të grimcuara,
• afro 300 gr miell,
• 300 gr xhem kajsishë,
• lëngu dhe lëvorja e ½ limonit,
• 1 pluhur paste,
• 1 vanilje.

Udhëzimet:

Tundet gjalpi me 5 lugë sheqer.Shtohen të verdhat e vezëve një nga një duke e tundur masën edhe më tej.Hidhen lëngu e lëvorja e limonit e kaluar në rende dhe duke e përzier masën me lugë,gradualisht hidhen mielli me pluhur paste.Gatuhet një brum i butë, ngjeshet pak sa të kompaktësohet,mbështillet me plastmasë dhe futet në frigorifer për 30 min.Në ndërkohë tunden të bardhat e vezëve me sheqer.Shtohen dhe përzihen me lugë arrat e bluara.Masa e brumit shtrihet në tepsi të lyer me yndyrë. Lyhet e tërë sipërfaqja me xhem kajsishë.

Derdhen dhe rrafshohen të bardhat e vezëve me arra.Mbi hidhen arrat e grimcuara.Piqet në furrë me temp180 gradë C për afro 30 min.Pasi të ftohet,me thikë të sprehur mirë,pritet në katrorka.