Ingredientët për shtresat me çokollatë: (tava 24 cm)

• 4 vezë
• 230 gr miell
• 165 gr gjalpë i butë (e nxjerrim 2 orë më parë nga frigoriferi)
• 165 gr sheqer
• 100 ml qumësht
• 1 butinë me fryrës për torta
• 35 gr kakao (jo e ëmbël)
• Ingredientët për shtresën e arrës së kokosit:
• 100 ml panna 
• 150 arrë kokosi e grirë 
• 130 gr sheqer 
• 1 e bardhë vezë

Përgatitja e bazës me çokollatë:

Në një tas të madh do të përziejmë mirë gjalpin me sheqerin, do të shtojmë 4 të verdhat e  vezëve dhe do të vazhdojmë t’i përziejmë akoma. Shtojmë qumështin, miellin, fryrësin dhe kakaon.
Në një tas tjetër do të kalojmë më mikser 4 të bardhat e vezëve. Këto të fundit do t’i shtojmë me shumë kujdes tek tasi tjetër ku kemi bërë përzierjen.
Përgatitja e shtresës me arrë kokosi: Përziejnë në mikser të bardhën e vezës, shtojmë sheqerin, arrën e kokosit dhe panën. I përziejmë mirë.

Do të lyejmë tavën me pak gjalpë dhe pak miell. Do të hedhim në të gjysmën e brumit të parë me çokollatë, shtojmë brumin me arrë kokosi dhe përsëri do të shtojmë atë me çokollatë.
Piqet në furrë me 190 gradë Celsius për 45-50 minuta.( Furrin duhet ta keni ngrohur paraprakisht). Kur të piqet, e lëmë të ftohet dhe e spërkasim me sheqer pluhur.

Marrë nga emisioni “Embëlsira” në Living.